जलनायक, जलयोद्धे....

जलयुक्त शिवार अभियानातील जलसाक्षरतेची जबाबदारी शासनाने जलनायक, जलयोद्धा,जलकर्मी,जलप्रेमी, जलदूत, जलसेवक आणि जलकर्मी इत्यादींवर टाकली आहे. दि. ३० नोव्हें २०१६ च्या शासन निर्णयानुसार शासनाला खालील व्यवस्था अपेक्षित आहे असे दिसते.

तपशील	जलकर्मी व जलसेवक	जलनायक, जलयोद्धा, जलप्रेमी, जलदूत
कोण आहेत?	शासकीय अधिकारी /कर्मचारी	अशासकीय व्यक्ती
प्रशासकीय जबाबदारी	शासकीय अधिकारी /कर्मचारी म्ह्णून योजना अंमलात आणण्याची संपूर्ण   प्रशासकीय जबाबदारी	काही नाही
निवडीचे निकष	१. ‘स्वयंप्रेरणेने’ जलसाक्षरतेचे काम करण्यास इच्छुक २. कामाचा अनुभव गृहित आहे ३. चांगले चारित्र्य	१. जलनायक व जलयोद्धा यांना ·      आंतरराष्ट्रीय, राष्ट्रीय, राज्यस्तरावरील कामकाजाचा अनुभव असावा ·      प्राचीन जलसंस्कृतीपासून आधुनिक जलसंस्कृतीची जाण असावी. २.. चांगले चारित्र्य
शासन दरबारी स्थान	गृहित धरले आहे	मानाचे
मोबदला / प्रत्यक्ष खर्चाची प्रतिपूर्ती	वेतन व इतर भत्ते	काही नाही
कामाचे मूल्यमापन	विशिष्ट उल्लेख नाही. पण शासकीय नियमानुसार व्हावे असे गृहित	विशिष्ट उल्लेख नाही

१.उपरोक्त शासन निर्णय ‘जलयुक्त’ राबवणा-या मृद व जलसंधारण विभागाचा नाही; जलसंपदा विभागाचा आहे.

२.जलयुक्त शिवार अभियानात जलसंपदा विभागाने ‘सक्रिय सह्भाग’ घेण्याबाबत दि. ३१जानेवारी २०१५ रोजी एक शासन निर्णय झाला होता!

वरील व्यवस्थेबाबत जलनायक, जलयोद्धा, जलप्रेमी, जलदूत, वगैरेंचा स्वत:चा अनुभव काय आहे? त्यांच्याबद्दल इतरांचा अनुभव काय आहे?

्